وجه الإعلامي أحمد شوبير، رسالة قوية الي سيد عبد الحفيظ، عضو مجلس إدارة الأهلي، بشأن سقف الرواتب ورحيل نجم الفريق.
وقال شوبير، خلال تصريحات تليفزيونية ببرنامج “هنا المونديال”، عبر قناة “النهار”:” في كلام كتير عن تخفيض العقود بالاهلي وكلام كتير عن تريزيجيه، وعرض الرياض، وجاء رسمي للاهلي هل فعلا في عرض رسمي، اتقال لنا ان في عرض رسمي، لما تكلمني عن امام وزيزو مفيش عروض ده كلام عن تريزيجيه”.
وواصل:” لكن قصه محمد بن رمضان واشرف وامام وزيزو يمشوا هتلعب بمين السنه الجايه؟ اصل قصة تخفيض العقود ملكش كلمة عليا على اللعيبة”.
و أردف شوبير:” نصيحه للصديق العزيز سيد عبد الحفيظ انت لست مسئول عن ماقبل ولا قيمه العقود محدش يقدر يحاسبك قدرت تحسنه اوك مقدرتش محدش يلومك خالص دي عقود “.
وتابع:” كاموتش محدش شافه ف الاهلي اخد فلوسه بالكامل ومبلغ وقدره وصفقه فاشلة، اصل ده ماشي علشان عقده عالي انتم انساقتوا ورا السوشيال ميديا فصدقت الاشاعه في ناس تزعل”.
و أكمل شوبير:” قصه همشي فلان وفلان مفيش فريق بدون نجوم ولا تقلات، بن شرقي نجم وبيتالق امام الزمالك، زيزو لاعب تقيل جدا وملتزم ومكسب لاي فريق وسيبكوا من القصه، والكلام حواليه، وامام حدث ولا حرج وبن رمضان حدث ولا حرج لكن حضرتك تقولي همشي كل دول طيب هتقعد مين؟، مين هيكمل مفيش فريق بدون نجوم”.
و أضاف:” الزمالك فريق به نجوم، بيزيرا نجم وعبدالله السعيد وحسام عبدالمحيد وناصر منسي وعدي الدباغ نجوم”.
وزاد شوبير:” كابتن سيد عبدالحفيظ مش مسئول عن تخفيض العقود هو مش ذنبه، هو مسؤول عن القادم انت حاطط سقف طيب في المنافسه ولما تجيب لاعب من بره بـ3 مليون دولار هتحيب لاعب محترم هيبقى 150 مليون يعني دفعت”.
و أستطرد: علي معلول كان بياخد رقم يستحقه وكان رمانه ميزان ولا انت تقول لاعب اجنبي وتدفعله، ما انت جبت تريزيجيه من بره وكان مكسر الدنيا فكره تشيل النجوم وتقول سقف العقود”.
واختتم:” انا مثلا تعاقدت مع قناة النهار بمبلغ وجه تاني سنه قالي هخفضه هارفض ودي حاجه متزعلش في حاجه علشان الناس تبقى فاهمه”.
