”كشف الإعلامي إبراهيم فايق، عن مفاجأة من العيار الثقيل بشأن كواليس المشاركة في بطولة السوبر المصري، مؤكداً أن الساعات الماضية شهدت تطورات لافتة في ملف ‘الكارت الذهبي’، وذلك عقب التتويج المستحق للنادي المصري البورسعيدي بكأس الرابطة.”
وقال فايق، خلال تصريحات تليفزيونية ببرنامج “قهوة فايق”، عبر قناة “mbc مصر 2″:” المصري فاز ببطولة كأس الرابطة اللي هي كأس عاصمة مصر، فاز على إنبي بثلاثية نظيفة، فوز المصري مش بس مكسب مهم على الصعيد النفسي والمعنوي وكذا وكذا، ودي واحدة من البطولات دلوقتي المهمة بالنسبة لنا، ليه؟ لأن البطولة دي هي المسلك اللي بيوصلك للسوبر المصري “.
وأكمل:” فالسوبر المصري أصبح بشكل رسمي فيه زمالك، فيه بيراميدز، فيه مصري، زمالك بطل دوري، بيراميدز بطل كأس، مصري بطل كأس العاصمة اللي هو كأس الرابطة “.
وشدد فايق:” حسبما تنامى إلى علمي كدة فاضل الكارت الذهبي، الكارت الذهبي بيقول لك إيه؟ هو الكارت الذهبي محطوط ليه أصلاً؟ الكارت الذهبي محطوط علشان هذه البطولة يظل لها قيمة تجارية وتسويقية كبيرة فبقى من حق المعلن واللجنة المنظمة، من حقهم والرعاة يختاروا نادي من الأندية الشعبية إذا لم تتمكن من الفوز بأياً من هذه البطولات “.
وتابع:” فلو الزمالك ما كانش موجود في الصورة يبقى الزمالك، لو الأهلي مش موجود في الصورة يبقى الأهلي طيب، لو نفترض الأهلي والزمالك موجودين وكذا موجود والأمور كذا، لو أنا عندي رغبة إنه يبقى في نادي شعبي تاني يكون موجود يبقى موجود
طب في الحالة اللي احنا فيها دي الكارت الذهبي يروح لمين؟ ألف باء تسويق، كدة هيروح للأهلي “.
و أشار فايق:” تنامى إلى علمي إنه ليست هناك رغبة لدى النادي الأهلي، بل هناك أيضاً طلب وجه لاتحاد الكرة وللرابطة إن النادي الأهلي طلب إنهم لا يشارك في كأس السوبر قال لك أنا مش عايز أشارك أنا بالكارت الذهبي لحد اللحظة اللي أنا بتكلم فيها معاك’.
و أضاف: “هل ممكن يبقى في متغير؟ أنا بقول لك معلومة الأهلي مش عايز يلعب في السوبر المصري قال لك أنا يا باشا مش هعلب بالكارت الذهبي، طيب هل ممكن يحصل في الأمور أمور؟ وارد، معرفش هل طب يحصل تفاهمات؟ وارد هل ممكن يتكلموا مع الأهلي تاني وتالت ورابع؟ وطب ولا وطب لسه احنا لسه قدامنا لسه حد دلوقتي ما تحددش بطولة السوبر دي هتتلعب إمتى؟ وارد، كل حاجة واردة في الكورة”.
وانهى قائلا:” الأهلي مش هيلعب،وارد قعد مع الأهلي يتقال له طب نزود العوائد؟ طب نزود الفلوس؟ طب نزود ما عرفش كذا؟ طب يبقى كذا؟ طب أنت مش عايز تشارك ليه؟ طب يبقى في نوع من أنواع التفاهم؟ وارد، كل ده وارد في الكورة”.
