كشف ممدوح عباس، الرئيس الشرفي لنادي الزمالك، عن ملامح خطة التطوير الشاملة للنادي، مؤكداً أن العمل جارٍ على قدم وساق لتحقيق نقلة نوعية للقلعة البيضاء على المستويين الإنشائي والإداري.
وقال عباس،خلال تصريحات تليفزيونية عبر قناة “مودرن”:” أنا مبسوط جدًا بتخصيص أرض جديدة للزمالك في السادس من أكتوبر، والمسؤولية كبيرة على مجلس الإدارة إننا ننجح في إنشاء الفرع الجديد بالشكل اللي يليق بالنادي”.
وتابع:” هيبقى في إنشاء 2 مول للزمالك، واحد في ميت عقبة وواحد على الأرض الجديدة في أكتوبر، وكمان هنبني استاد جديد بتكلفة حوالي 38 مليون دولار على الأرض دي”.
وأكد عباس:” أنا واثق إن كل الأزمات هتتحل، وهنخلص ملف الرخصة الإفريقية ونشارك في دوري أبطال إفريقيا، ودي ملهاش اي علاقة بأزمة القيد”.
و أكمل:” مش هقدر أتكلم عن تفاصيل حل الأزمات، ومش صح إن الناس تضخم دوري، أنا مجرد محب وعاشق لنادي الزمالك وبعمل اللي عليا بس”.
و اشار عباس:” موضوع تجديد عقد معتمد جمال مش دوري خالص، ده قرار يخص الإدارة في الزمالك، الصفقات الجديدة برضه مش دوري، الملف ده مسؤول عنه جون إدوارد المدير الرياضي”.
و أستأنف: “رسالتي لجماهير الزمالك: أنا بحبكم جدًا، ومفيش أزمات جاية إن شاء الله، وهنكون قد المسؤولية وعلى قد ثقة الناس فينا”.
وأتم:” وقول لوليد دعبس هتدينا قد ايه على المداخله دي بقى .. الدنيا صعبة في الزمالك دلوقتي .. هتدينا ايه”.
