انتقد الإعلامي مهيب عبد الهادي حالة “العشوائية” التي تسيطر على ملف المدير الفني لنادي الزمالك، مشيراً إلى وجود انقسام حاد وتضارب في المصالح بين مجلس الإدارة وبين جون إدوارد المدير الرياضي للنادي
وقال عبد الهادي، خلال تصريحات تليفزيونية ببرنامج “اللعيب”، عبر قناة “mbc مصر”:” ايه بيحصل في الزمالك مين المدير الفني؟، جون ادوارد عاوز مدير فني، منين؟، مجلس الادارة عاوز مدير فني مين بيدير؟ “.
و أضاف:” عاوز افهم مع جمهور الزمالك اللي هو الحاجه الحلوه الوحيدة في الزمالك، هو واحد من اهم اسباب فوز الزمالك بالدوري دي ناس بجد بتحب الزمالك اللي اطلب منها تساند قامت بدورها”.
و شدد عبد الهادي: “ادي الارض جت، تبص تلاقي ايقاف قيد وممدوح عباس خلع وطالما خلع يبقى في فلوس جاية، مين المدير الفني؟ فين المعسكر؟ منعرفش انتم دوختونا بين الادارة وجون، وده عاوز حاجه وده عاوز حاجه، ومش اول مره وكان في انقسام على معتمد جمال، عدم الاستفاده من الاخطاء موجودة وبتكرر الاخطاء”.
وواصل:” محدش قالكم ليه بيحصل ده؟ لو كل المهاترات بتجيب فلوس، اوك، لكن شايف انكم بتجيبوا وجع الدماغ لنفسكم”.
وأتم:” مدير فني موجود؟ لا مش موجود، ومتبلغش، سيف الجزيري روح ياعم، ايه اللخبطيطة دي”.
