مهيب عبد الهادي يكشف رسائل حسام حسن الناريه للاعبي منتخب مصر بين شوطي مباراة نيوزيلندا
كشف الإعلامي مهيب عبد الهادي، عن كواليس منتخب مصر أمام نيوزيلندا، مؤكد دور حسام حسن في تحفيز اللاعبين بين الشوطين ، ووصف حديث حسام حسن مع اللاعبين بأنه لامس مشاعرهم لاستعادة روح البطولات.
وقال عبد الهادي، خلال تصريحات تليفزيونية ببرنامج” اللعيب”، عبر قناة ” mbc مصر”: “مبروك لمصر، مبروك الفوز الكبير، وأول فوز لمنتخبنا الوطني في كأس العالم، فرحة حلوة، فرحة كبيرة، فرحة جت بعد عناء، بعد تعب، بعد توتر، بعد يعني مجهود كبير جداً من منتخبنا الوطني، كل الناس اللي كانت بتتفرج امبارح كانت على أعصابها، خاصة بعد إحراز نيوزيلندا الهدف الأول ما كناش أحسن حاجة في الشوط الأول، لكن الشوط الثاني ماذا حدث؟”.
وتابع:” ماذا فعل الكابتن حسام حسن في غرفة خلع الملابس؟ كابتن حسام دخل يعني مش ماسك يعني فأس ولا خرزانة ولا.. لا كابتن حسام دخل كلم مش كمدير فني، كمواطن مصري أصيل وقال “يا جماعة بعد إذنكم حسوا بالناس اللي في مصر، حسوا بالشعب، حسوا بالجماهير حسوا بالناس اللي عايزة تفرح. حسوا بيهم، اللي عايز يلعب ويؤدي ويحس بالناس دي يتفضل يلعب، اللي مش قادر قادر يقول لي ويقعد جنبي على الدكة”.
واضاف عبد الهادي:” كلام كان طالع من القلب عشان كده وصل للرجالة في القلب، مدير فني لمس مشاعر اللعيب المصري المواطن مش لعيب الكورة، كلنا مصريين وعندنا كل الجينات موجودة، فكان مفعول السحر في الشوط الثاني ونزول اللعيبة “.
وشدد:” أول مرة أشوف المنتخب كده بالمنظر ده، ما تدوش نفس ولا فرصة لفريق نيوزيلندا إن هو يعمل أي حاجة خالص، هي دي رجالة مصر، هي دي طبيعتنا، هي دي جيناتنا، هو ده إحنا. مصر قادرة، صدق نفسك هتلاقي نفسك تعمل حاجات كتير جد”ا”
وأختتم: “كلنا زي ما صدقنا نفسنا في 2006 و2008 و2010 ابتدينا نصدق نفسنا مرة أخرى، ابتدى كابتن حسام حسن يرجع اللي كان مفقود في الفترة الأخيرة “.
