شنَّ أحمد حسام “ميدو”، نجم نادي الزمالك السابق، هجوماً حاداً على الإدارة الحالية للنادي، واصفاً الوضع الذي يعيشه القلعة البيضاء بـ “الكارثي”، مؤكداً أن الزمالك يمر بأزمة حقيقية نتيجة قرارات إدارية غير مدروسة وتجاهل متعمد لملفات هامة.
وقال ميدو، خلال تصريحات تليفزيونية ببرنامج” هنا المونديال”، عبر قناة” النهار”:” في حد بيكذب على ولاده ويضحك على اخواته لما تكذب، تفقد المصداقيه خاصة لو على منصه رسميه للزمالك الكلام بيعمل فجوه مع الجمهور”.
و أضاف:” وقت الحسم والمشكله واللغط لازم تكون صريح وتطلع بيانات ورئيس النادي ونائبه يتكلم مع الجمهور، الزمالك تعرض لايقاف قيد بقرار تاديبي، وده جريمة كرويه، لما نادي يسيب 4 لعيبه ويتجاهل الرد عليهم وتوصل ان 4 لعيبه يفسخوا عقودهم وتوصل لايقاف قيد ده جريمه”.
وشدد ميدو:” محدش يقول مفيش فلوس في طريقه اقعد مع الناس، لكن اتجاهل الرد عليهم واقوله لما الفيفا يحكم ابقى تعالي لي وده كلام عارفه وقال الكلام ده وكيل صلاح مصدق وقالهم في مشكله وقالوله تعالى لما تاخد حكم، اهو اخد حكم، الموضوع بقى اخطر ان اسدد له ولغيره بغرامات وارقام اكبر من العقود ومصيبه الفيفا قالت انت نادي غير مسئول مش قادر تدفع المستحقات فريح بقى لحد ما تحل مشاكلك علشان كده اسمها عقوبه تأديبيه”.
وواصل:” الناس كذبت على الجمهور، التفاصيل بعد انتهاء المهله القانونيه لجأ اللاعب صلاح مصدق لفسخ العقد وغرفه فض المنازعات رفضت دفاع الزمالك والكلام ده كان يوم 9 ابريل ومتفهم متحفظ على الاعلان عن القرار وانت تنافس علي الدوري، ولكن تطلع بيان تكذب الحقيقه لجمهورك ده اسمه كلام؟ كلنا بندعم ونعمل اعلانات لتطبيق زملكاوي لكن تطلع عليه بيان كذب؟ “.
و اشار ميدو:” انا النهارده بضحك علي جمهوري على منصه رسميه وبطالب الجمهور بيدعمني لحل ازمه القيد، مين الذكي اللي طلع البيان الموضوع اتعرف، تروح تكذب على جمهورك”.
وأردف:” الزمالك في خطر حتى لو عمل تسويه مع كل المدربين واللاعبين فرصه قبول استئناف الزمالك لايتعدى 10٪ وليس له علاقة بالمشاركة في دوري ابطال افريقيا”.
وزاد ميدو: ” النهارده كفايه في موقف نستخبني ورا بعض او نجيب حد نستخبى وراه، رسالتي لكابتن حسين لبيب في اخطاء حصلت في ادارة الملفات القانونيه بالزمالك مين حسب الحسبه غلط والله ما شوفت الناس دي ولا اعرفهم، ولازم تطلعوا بيان اننا عملنا تحقيق والناس هتتحاسب او مجلس الادارة يتحاسب”.
واختتم:” علشان تقولي انا كمجلس مليش علاقه بملف الكره، اسف، بطالب حسين لبيب باصدار بيان بتحويل من تسبب في ايقاف الزمالك، واتخاذ اجراء لاما جوهر نبيل وزير الرياضة يتدخل والحق ميزعلش لازم بيان تحول المتسبب للتحقيق، وتعلن عن العقوبة، ولازم نبقى صادقين عيب تكدب على جمهورك الجمهور هو الضلع الاساسي والزمالك مش صغير”.
