حرص هشام نصر، نائب رئيس نادي الزمالك، على طمأنة جمهور الفارس بشأن أزمة الرخصه الإفريقية واوضح دور ممدوح عباس رئيس النادي السابق في دعم القلعة البيضاء.
وقال نصر، في تصريحات تليفزيونية عبر قناة “Modern mti”:
” احنا خلاص فتحنا باب المفاوضات مع القضايا دي .. أنت مش شرط تدفع الفلوس كلها .. لازم تروح الفيفا تعمل تسويات وتحل القضايا دي”.
وتابع:” وأنا جاي في الطريق في رجل اعمال كبير تواصل مع رجال أعمال وفي مبالغ بتتجمع كمان لحل الأزمة، احنا عايزين الكل يتكاتف مش هقول العدو قبل الصديق لأنها عيب، في ناس زملكاوية كانت بتسعى للأرض تتحسب وعايزه تصدر مشاكل، ياجماعة ده نادي الزمالك مش مجلس الإدارة”.
وشدد نصر: “ممدوح عباس وعد بتقديم المساعدة من أجل إنهاء أزمة الرخصة الإفريقية، وهو رجل محب لنادي الزمالك ويدعم النادي بقوة”.
وأختتم: “واثقون من مشاركة الزمالك في دوري أبطال إفريقيا خلال الموسم المقبل”.
