الزمالك على صفيح ساخن: أحمد سليمان يفتح النار على ملفات اللاعبين.. وجون إدوارد ومجلس الإدارة في الواجهة
أثار الإعلامي محمد طارق حالة من الجدل الواسع في الوسط الرياضي، بعد كشفه عن تفاصيل مذكرة رسمية تقدم بها كابتن أحمد سليمان، عضو مجلس إدارة نادي الزمالك، للمطالبة بفتح تحقيقات عاجلة لتحديد المتسببين في أزمة “إيقافات القيد المتتالية” التي ضربت النادي مؤخرًا.
وقال اضا، خلال تصريحات تليفزيونية عبر برنامج “الماتش”، على قناة” صدى البلد”:” في مذكرة من كابتن أحمد سليمان، عضو مجلس إدارة نادي الزمالك، اتبعت للمجلس، بيقول فيها: يا جماعة، يجب التحقيق في كمية إيقافات القيد اللي جات للزمالك، ومين السبب فيها؟ هل أعضاء مجلس الإدارة؟ ولا المدير الرياضي جون إدوارد؟ مش هيقول اسم جون إدوارد بس هو المدير الرياضي، ولا رجال جون إدوارد اللي كانوا موجودين، زي حمزة عبدالوهاب، وغيرهم من الأسماء اللي كانت مسؤولة عن ملفات اللاعبين”.
و أردف: “لازم يتحقق معاهم، والزمالك في الأيام القادمة هيبدأ يكون فيه تحقيقات على فترات، عشان نعرف إيقافات القيد دي كانت بسبب مين، وهيبدأ يطلع مستندات، ويشوفوا مين السبب، ومين اللي غلط، ومين اللي عمل ده”.
و أضاف أضا:” أنا شايف طبعًا إن الزمالك حر، ولكن أنا شايف إن ده مش وقته. الدوري بعد بكرة يا جماعة، الموسم بدأ، والفرق كلها خلاص خلصت معسكراتها؛ اللي عمل معسكر في تركيا، واللي عمل معسكر في إسبانيا، واللي عمل معسكر في دول عربية، واللي بيلعب مع برشلونة، واللي بيلعب مع كذا واللي بيلعب مع كذا، والزمالك عمل فترة إعداد عشر أيام “.
وواصل:” فدلوقتي جه وقت إن تبدأ الناس تحقق في مين اللي غلطان من داخل مجلس إدارة النادي؟ هنا عايزين يقولوا إن لما أنا كنت مسؤول ما حصلتش الإيقافات دي، ولما جه مسؤول حصلت الإيقافات دي. ممكن، ممكن”.
وشدد أضا:” ولكن للعلم بالشيء، لو المدير الرياضي والمسؤول عن الملفات دي كان سبب في مجموعة من إيقافات القيد، فأيضًا مجلس الإدارة مسؤول. مسؤول ليه؟ مسؤول لأن حضراتكم وافقتوا إنكم تدوا كل الصلاحيات لشخص، أيًا كان مين الشخص”.
وأكمل:” حضراتكم تم انتخابكم من قبل الجمعية العمومية لنادي الزمالك، وكانوا واثقين فيكم بأي شكل، فحضراتكم جبتوا شخص وقلتوا له: اتفضل خد كل الصلاحيات، هات وبيع واشتري ومشي واعمل وخلص وخد فلوس وخلص”.
وأشار أضا:” طب في الآخر مين اللي هيتحاسب؟ المدير الرياضي؟ لا، اللي هيتحاسب في الآخر الكبير. مين الكبير؟ مجلس الإدارة هو المسؤول، هو المسؤول الأول والأخير عن النادي ككل”.
و أتم:” طبعًا كل الأسماء اللي موجودة في الصورة أشخاص محترمين جدًا، وليهم تاريخ كبير سواء في كرة القدم أو في كرة اليد أو في الوظائف خارج المجال الرياضي”.
