أوضح حسام المندوة، أمين صندوق نادي الزمالك، تطورات ملف شركة الكرة بالفارس الأبيض وسبب عدم الإعلان عنها حتى الآن.
وقال المندوة،خلال تصريحات عبر راديو “صوت الزمالك”:” إحنا في إمكانيات وقنوات جديدة بنفتحها، ونادي الزمالك الجديد من أهم القنوات لتوفير الأموال، والحصول على الأرض بيدينا أمل، وكلامنا هيتحول لمؤشرات حقيقية”
و أكمل: “الأرض من ضمن القنوات، والأبلكيشن، وفي أمور لتزويد المداخيل، وشركة الكرة إحنا مقفلناش ملف شركة الكرة، الناس متخيلة إن شركة الكرة تنتهي في أسبوع، إنت بتبيع نادي كبير، والموضوع لازم ياخد وقته”.
واردف المندوة:” أنا معترض على نسبة المستثمر، ولازم ناخد 51% الزمالك، مينفعش نسلم الكرة لشركة، ومينفعش الطرف الآخر يدير من غير دور للمجلس، المواد بتتصاغ ويتم التفاوض عليها، ومحتاجين وقت، والتقييم ومين هيقيم ملف مهم، بس لازم ناخد وقته علشان لما تبيع الحصة تبيع بما يليق بالزمالك”.
و أضاف:” إحنا من وقت ما تولينا المسؤولية حصلنا على الكونفدرالية والسوبر والكأس بدون مدير رياضي وشركة الكرة، لأن في الأصل موجود اسم الزمالك، إن يحصل على بطولة مش حلو؟ ولكن يحصل على بطولة وسط الصعوبات حلو”.
وزاد المندوة:” إحنا أخدنا بطولات من غير شركة الكرة، وده يدي أمل للناس علشان ناخد الوقت السليم ونعرض حاجة على الجمعية العمومية، من غير تفريط فيها بحقوق النادي، إحنا محتاجين اللي يشتغل معانا يشتغل فعلًا”.
و أستأنف: “اتأخرنا في بداية فتره الإعداد علشان اتقال إن اللاعبين مش عاوزين ينزلوا بسبب المستحقات، ده غلط محصلش، وكان يجب على مسؤولي الكرة يبدأوا المعسكر، الأجانب واخدين كامل مستحقاتهم”
وواصل أمين الصندوق: “75% من مشكلة القضايا الدولية اتحلت بحصولنا على الرخصة، والعبء ده لما تخلص منه، المدخلات هتبقى لك، لما نخلص من القضايا الدولية، المدخلات هتكون لفريق الكرة”
وانهى:” ومضينا على مستحقات مصدق امبارح بإرسال أمواله وملفه اتقفل تمامًا، مينفعش تدير كله مرة واحدة، المدخلات هتفيدنا لفريق الكرة في تصور كويس، ونجح، وإنت بتجيب فلوس بس بياخدها القضايا، ونحسن إدارة هذا الملف”.
