3 شروط نارية من حسام الزناتي للموافقة على منصب المدير الرياضي بالزمالك.. تعرف عليها- فيديو
كشف الإعلامي كويم رمزي، عن شروط حسام الزناتي، المدير الرياضي لفريق نورشيلاند الدنماركي، لتولي منصب المدير الرياضي للزمالك خلفاً لجون إدوارد.
وقال رمزي، خلال تصريحات تليفزيونية ببرنامج “من القاهرة”، عبر قناة “أون سبورت ماكس”:” ما بعد جون ادوارد مين المدير الرياضي لنادي الزمالك ميخفاش عليكم جميعا انه اكبر او اهم اسم مطروح هو حسام الزناتي وبالفعل الزمالك بيتكلم مع حسام الزناتي”.
وتابع:” وحسام مقفلش الباب قدام نادي الزمالك وفاتح معاهم باب مفاوضات او كلام طيب بس حسام الزناتي له ثلاث طلبات واضحه، اول طلب انه عايز يشتغل في نادي الزمالك كمدير رياضي بعد ما الزمالك يحل كل مشاكله الماليه او يعني كل المستحقات المتاخره عليه سواء لاعبين او مدربين ويتم رفع ايقاف القيد في يناير علشان يعرف يشتغل ده واحد”.
وأكمل رمزي:” اثنين هو عايز يبقى في ميزانيه واضحه لفريق الكره هو مش هيتدخل هل الزمالك هينشئ شركه كره ولا لا بس سواء من المجلس او من شركه الكره هو عايز ميزانيه واضحه تتسلم له لفريق الكره كل موسم”.
وواصل:” ثلاثه هو مش حابب دلوقتي انه يتعامل مع قطاع الناشئين وعايز تركيزه كله يبقى مع الفريق الاول فقط دي ابرز طلبات حسام الزناتي واللي الزمالك بيفكر فيها وبيناقشها وبيشوف يقدر يعمل فيها ايه”.
وأتم:” علشان في النهايه حسام شايف انه بيعمل في نادي اوريدي في الدنمارك والنادي الكبير هو نورشيلاند فلو هاجي الزمالك هو عايز الامور تبقى في افضل صوره ممكنه علشان يعرف يشتغل في بيئه جيده يتعامل بشكل كويس”.
شاهد:
