تحدث شريف إكرامي، حارس مرمى منتخب مصر السابق، عن أسلوب حسام حسن، المدير الفني لمنتخب مصر، في التعامل والتعبير عن آرائه، مشيرًا إلى أن المشكلة في بعض الأحيان لا تكون في مضمون التصريحات، وإنما في طريقة طرحها.
وقال إكرامي عبر حسابه على منصة «إكس»: “مشكلة كابتن حسام حسن إعلاميًا في رأيي مش دايمًا في اللي عايز يقوله.. لكن كتير بتكون في الطريقة اللي بيعبر بيها”.
وأضاف: “وده ظهر جدًا في كلامه عن الشناوي.. والمشكلة دي مش جديدة، فمش حابب أقف عندها كتير.. لكن اللي لفت نظري في التصريح حاجة تانية”.
وأوضح إكرامي أن من حق أي مدرب اختيار أو استبعاد أي لاعب لأسباب فنية، بغض النظر عن اسم اللاعب أو تاريخه، قائلًا: “من حق أي مدرب يختار أو يستبعد أي لاعب لأسباب فنية، مهما كان اسمه وتاريخه”.
وتابع: “لكن لما توصف لاعب إنه كان منتهي وإنك أنت اللي رجعته، بيحول الكلام من قرار فني لفكرة تانية خالص.. فكرة إن المدرب صاحب فضل على اللاعب”.
وأشار حارس الأهلي السابق إلى أن للمدرب دورًا في عودة اللاعب إلى مستواه، لكنه يرى أن الاستبعاد الفني لا يحتاج إلى تبرير بهذه الطريقة، قائلًا: “طبعًا المدرب ممكن يكون ليه دور في رجوع لاعب لمستواه.. لكن لو شايف إن استبعاده صح فنيًا، استبعده.. من غير ما تحتاج تقول أنا اللي رجعته”.
واختتم إكرامي حديثه قائلًا: “ممكن كابتن حسام حسن ما يكونش قصد المعنى ده.. بس أحيانًا اختيار الكلمة بيبقى جزء من مسؤولية المنصب”.
