واصل الزمالك نتائجه القوية بالوصول إلى الفوز السادس على التوالي بين الدوري الممتاز ودوري أبطال أفريقيا، في سلسلة انتصارات فرضت على المتابعين الحديث بصريح العبارة عن «شخصية بطولة» تميّز الفريق الحالي.
«الفريق ده بيعزل نفسه»
وقال أبوالعلا إن الفريق وصل إلى سادس مباراة متتالية بانتصار سواء في الدوري المصري أو دوري أبطال أفريقيا، مؤكدًا أن هذه الحالة تستحق التوقف عندها: «لازم نقول إن الشخصية دي للفريق بتعزل نفسها.. الناس دي مركزة وعندها شخصية البطولة رغم كل الظروف الموجودة».
وأضاف أن الزمالك يبدأ الموسم دائمًا وسط تحديات كبيرة ونقص عددي وغياب لاعبين مهمين، ومع ذلك يعرف كيف يكسب: «بتعرف تكسب إزاي رغم كل التحديات والظروف دي؟ لازم نقف عندها وندي الناس حقها».
إشادة باللاعبين ومعتمد جمال
ووجّه أبوالعلا إشادة خاصة باللاعبين، قائلًا: «اللاعبون عزلوا نفسهم تمامًا وبيحاولوا يكونوا قد المسؤولية.. اللاعبين الكبار دورهم محوري إنهم يعدوا كده مع بعض إيد واحدة، وموجودين 90 دقيقة بيموتوا نفسهم قبل أي كلام عن الماديات، وده حقهم طبعًا».
كما أشاد بالجهاز الفني بقيادة معتمد جمال، معتبرًا أن مجمل عمل المرحلة الماضية إيجابي: «المرحلة دي فيها سبع ماتشات.. خدت منهم تقريبًا 70 و80 في المية من اللي أنا عايزه.. شابوكو لمعتمد جمال وللاعبين، وحالة جماعية لازم نمسك فيها الجمهور ونقدرها».
تحذير علمي من ضغط المباريات
وحذّر أبوالعلا من تعامُل خاطئ مع اللاعبين العائدين من فترة إعداد قصيرة، موضحًا: «اللاعب اللي ماخدش فترة إعداد قوية حتى لو هتدير حمل 3 أو 4 ماتشات.. هيدخل بعد كده في دور إجهاد وبتتقلب المعادلة.. القصة محتاجة تنظيم أحمال بشكل علمي، مش اجتهادات».
واختتم برسالة واضحة: «جسم اللاعب ده مش أي جسم يتحمل إنك تلعب كل 3 أيام مباراة.. المرحلة اللي فاتت أفلناها والحمد لله، واللي جاي محتاج شغل تاني».
شاهد الفيديو
