فضح خالد الغندور مقدم برنامج زملكاوي عبر قناة الزمالك نفاق وكذب سيد عبدالحفيظ مدير الكرة بالنادي الأهلى ، بعدما تحدث عن مباراتهم امام النصر في كأس مصر ، مؤكدا ان الزمالك خاض حينها مباراة امام الاسماعيلي
وقال : في تصريح لمدير الكرة بالاهلى ، اشمعنى احنا لعبنا النصر في كاس مصر في النص واضغطنا هو نسي اكيد ان الزمالك اتحط له الاسماعيلي مش النصر اللي كان بيصارع علي الهبوط ف الدرجة التانية
واشار : اتحط لنا بين ماتشين فجأة وكان ف دور ال8 لو سمحتم لما نتكلم نتكلم بالعقل والمنطق ، انا اترفضلي اي تأجيل السنة الي فاتت المستشار مرتضى طلب تأجيل ماتشات ورفضوا وكنا مضغوطين في افريقيا والدوري
وواصل : انا كنت بلعب الجونة فى الغردقه والمصري في برج العرب واتحط بينهم الاسماعيلي في السويس انت بتقول انك اتحط لنا النصر والزمالك كان بيلعب في نفس التوقيت لوسمحتم كل واحد يخليه مركز في فرقته ويبعد عن اثارة الفتن والتعصب
وشدد : واتمنى من القناة الاخرى يكون لها قدر من الاحترام والتنافس ميخلكش تخرج عن النص من بعض مقدمين القناة الاخرى ومش من طبعنا الخروج عن النص
واضاف : كان بيقال المستشار مرتضى بيثير التعصب وهو السبب ف اللي الرياضة وصلتله ولن نتحمل عصبيته وانفعالاته ، ولما يكون عندنا مجلس بيهنئ الخصم وكلام محترم وبيقابل ده بكل ده ، مين بيثير الفتن وبيزود الاحتقان لما تكون بتنافس في الملعب ركز مع فريقتك
واتم : ولما تاخد بطوله ركز ومش كل لما تاخد بطولة تكلم علينا ركز مع فريقك ومتهاجمش لاعب مش عندك ، وبيجيلك تهنئة تقابلها بتريقه كلام لايعقل
