اول تعليق من الزملكاوية اميرة عادلي علي صورتها المثيرة للجدل اثناء تدخينها في مدرجات مبارة مصر والكاميرون

علقت نائبة مجلس النواب أميرة العدلي على تداول صورتها أثناء تدخين السجائر في مباراة مصر و الكاميرون و التي أقيمت أمس.

و تغلب المنتخب المصري على منتخب الكاميرون في المباراة التي أقيمت مساء أمس في نصف نهائي بطولة أمم أفريقيا بنتيجة 3-1 بركلات الترجيح.

و كتبت النائبة أميرة العدلي عبر صفحتها على فيس بوك : طيب عشان نخلص من القصة والرسايل الكتير ، ايوة دي صورتي ..ومش مضايقة ولا مهتمة بالموضوع .

و واصلت : انا بشرب سجاير ومن سنين بطت اعدها ومش مخبيه ده اصلا..ومش هاابطل السجاير واكون انسان جديد عشان انا بحب أدخن ..عادة صحية سيئة بس بحبها ..زي اللي بيحب الأكل الدسم كده بيتخن وغلط علي الصحة بس بيحبه..

و أضافت: ببساطة مواطن مصري زملكاوي بيشجع كورة من الطفوله وبيحضر ماتشات فريقه ومنتخب بلده ديما في الدرجة التالته مش المقصورة ولا الدرجة الأولي..بيفرح ويعيط ويتعصب ويزعق ويطنط ويهتف ويغني و بيأكل ويشرب ويدخن سجابر عادي جدا ..

و أشارت : ومعلوماتي إن علب السجاير مكتوب عليها لا تباع لأقل من 18سنة ، بغض النظر عن نوعه أو شغلنته أو ديانته ، والتدخين ضار جدا بالصحة ومانصحش حد يدخن ، غير كده. انا بدخن و بحب أدخن ..وانا حرة في عالم حر ..

و أختتمت تصريحاتها قائلة : فا نفكنا بقي من الكلام الاهبل ده ..ونشجع منتخبنا يوم الأحد وإن شاء الله الأبطال يرجعوا بالتامنه ويفرحوا مصر كلها.