“لازم نديله تعظيم سلام” …وصله مدح من شوبير لشيكابالا بعد موقفه تجاه مؤمن زكريا في مباراه السوبر!
أشاد الإعلامي أحمد شوبير بموقف قائد الزمالك محمود عبد الرازق شيكابالا بعد موقفه تجاه مؤمن زكريا على الرغم من خساره الفريق للقب السوبر أمام الأهلي .
وكان شيكابالا قد ذهب الى مدرجات ستاد هزاع بن زايد بعد نهايه مباراه السوبر من أجل إحضار مؤمن زكريا لمراسم التتويج في لقطه رائعه من قائد الزمالك.
وقال شوبير في تصريحات تلفزيونيه عبر برنامج ملعب أون تايم:”زي ما بننتقد السوشيال ميديا لازم نديها حقها انها طلعتلنا لقطه عظيمه زي لقطه شيكابالا مع مؤمن زكريا” .
وواصل :”شيكابالا على الرغم من انه فريقه خسر والراجل قلبه على الفريق ويعتبر ايقونه ورمز للنادي الا انه راح لمؤمن وطلعت اللقطه العظيمه اللي شوفناها دي” .
وأكمل :”وبعدين راح مع سيد عبد الحفيظ وسامي قمصان في صوره جميله ، هي دي الرياضه اللي عاوزين نشوفها وهي دي اخلاقنا الجميله وحمله اخلاقنا الجميله اللي شغاله اليومين دول لازم اللقطه دي كمان تضاف ليها” .
وتابع :”حصل ” تاتش ” بسيط بين شيكابالا وحسين الشحات ولكن دي عصبيه ملعب وفي بعض الناس بتهاجمه عليها ، لا يا اخي انت تدي تعظيم سلام لشيكابالا على لقطه مؤمن زكريا دي” .
وأتم :”لا شيكابالا كان قاصد اللقطه ولا مؤمن ولا سيد عبدالحفيظ ولا سامي قمصان ولكن ربنا يشاء ان تطلع الصوره الجميله دي فالنهايه بين الاطراف كلها” .
