بعد أزمة زيزو.. إنتقاد حاد من خالد الغندور لرابطة الأندية بسبب جائزة أفضل لاعب ويطالبهم بهذا الأمر
إنتقد الإعلامي خالد الغندور، رابطة الأندية المصرية وذلك بسبب طريقة اختيار أفضل لاعب في كل مباراة وجوله من منافسات بطولة الدوري الممتاز، بعد أن رفض أحمد زيزو نجم الزمالك، أمس تسلم جائزة افضل لاعب خلال مباراة حرس الحدود.
وقال خالد الغندور في تصريحات تليفزيونيه ببرنامج زملكاوي عبر قناة الزمالك: ” زيزو رفض استلام جائزة أفضل لاعب وقالوا أمير هو اللي طلب منه يعمل كده، تعالى انا اقولك”.
واضاف: “الناس اتكلمت على لاعب الجوله، وكل مباراة بيتم اختيار افضل لاعب، ومعرفش مين بيختار اكيد فنيين، وهل في واحد قاعد في الملعب بيختار، عاوزين مين بيختار دي تقطه مهمة”.
وشدد الغندور:”خلال عدد من الماتشات بتختار كل مباراة لاعب المفروض تختار واحد منهم، لافضل لاعب في الجوله، مينفعش لاعب الجوله بتصويت الجمهور لانه حاجه غير منطقيه”.
واكمل:” الكابتن اسلام الشاطر انتقد جريدة المساء واختيارها لاعبو الزمالك الأفضل، وقولتله ننتقد لما يكون الاختيار مش هو الافضل، متقدرش تقولي فيريرا ولا عواد وزيزو مش الافضل”.
واردف الغندور:” منتظر كابتن اسلام الشاطر يرد على اختيارات وشوشه للاعيي الأهلي انهم الافضل لانه قال الاستفتاءات فيها مجاملات، نفاجئ بان وشوشه اختارت اكرم توفيق افضل باك رايت في مصر2022 وهو اصيب في يناير في ماتش نيجيريا ولم يشارك في2022خالص”.
واشار: “اكرم لاعب جيد ومقتنع ان ديفيندر افضل من باك رايت، وله سلبيات بس عندنا معلقين بيضخموا في بعض اللاعبين، واحسن لاعب ورهيب وبيسكت لما بيغلط، عندنا افورة في التعليق علشان الجمهور يحبني ويطالب بيه، حاجه غير منطقيه اختيار اكرم، زي من سنتين برده اختاروا موسيماني وهوكان لسه جاي من شهر، ليه الاهلي افضل نادي في مصر وهو صفر بطولات”.
واكد الغندور:” ده اللي اسمه مجاملات وعلاقات عامه باكابتن اسلام، وتيجي تقولي احنا شعبية ونكسب اي حد وكسبنا معلول افضل باك ليفت في كأس العالم وهو مشاركش مع تونس، عيب في حق جمهور الاهلي اصلا جمهور الزمالك عمره مايعمل كده”.
واسترسل:” اتلعب 8 جولات اول 6 مباريات تم اختيار لاعبين من الاهلي الافضل في الجوله والـ7 اختاروا احمد الشيخ، طيب مين صوت له ومصوتش ليوسف اسامه نبيه، مفيش ولا لاعب من الزمالك في الـ7 جولات تم اختياره”.
وأوضح:” امور لامنطقيه وسؤال لرابطة الانديه لما تختار مين اللي بيختار؟، لازم تعلن وتقول تم تعيين مثلا عدد من اللاعبين القدامي في اللجنه اللي بتختار و5 صحفيين مع 2 و3محللين، مع 10 او15٪تصويت الجمهور، يبقى اختيار لاعب الجوله والمباراة منطقي”.
