“اللي حصل بلطجه”.. مرتضى منصور يتوعد كهربا بسبب مشاركته مع الأهلي بدون دفع غرامة الزمالك!!

توعد المستشار مرتضى منصور رئبس نادي الزمالك، الهارب محمود كهربا لاعب الأهلي، بعد مشاركته أمام سموحه في نصف نهائي كأس مصر، دون دفع الغرامة للفارس الأبيض.

وقال مرتضى منصور في مداخله هاتفيه ببرنامج زملكاوي عبر قناة الزمالك: “والله كنت هقسط لكهربا الغرامة، لكن لو وقف على دماغه مش هقسط له بعد اللي عمله في الماتش، انت بتستفز الزمالك ليه”.

إقرأ ايضا.. لاعب الزمالك يدعم فيريرا بعد تصريحات مرتضى منصور-صورة

واضاف:” بكره رايح مذكره للفيفا وممكن اتحاد الكرة يتحل فيها، وسالت وليد العطار هل مكتوب يلعب قالي لا، اللي حصل ده بلطجه، قصة كهربا زي قصة مريض في الانعاش ومتعلق له محاليل وفجأة قال بايي ومامي لكن لسه على الاجهزة”.

وشدد مرتضى:”كهربا لعب وجاب جول ورقص الله يخرب بيتك يابشاير روحتي ماليزيا، كان ممكن اقسط لواعترف، دلوقتي لووقف على دماغه مش هقسط، بسبب الاستفزاز والاتفاق مع جامايكا يجيب جول مانت بتقول للجمهور انه يطالب انه يلعب”.

واردف: ” في مذكره رايحه للفيفا وسجلت الماتش وهقولهم شارك ولم يدفع الغرامه”.

واكمل مرتضى:” يا اعلام المصريين ايه العيال المقرفه اللي كانت في الاستديو دي، ايه ياوليد ويافضل بتتحتفلوا بعيل هربان من النادي بتاعه، فرحان ياوليد يالا انت وفضل”.

وزاد:” لما زوجه بتهرب من زوجها تروح لصديقها بتكون شجاعه؟ لا بتكون زانيه، انتم بتشجعوا العيال على ايه؟، وتقولي قيم انتم ولعتوا في دولاب القيم”.

واوضح: “المفروض مكنش لمس كره قبل 2 فبراير انت بتستفز لجنة الانضباط بالفيفا بتقولهم انا عارف حكمكم قبل الاعلان”.