فتح الإعلامي خالد الغندور، النار على خالد مرتجي أمين صندوق النادي الأهلي وذلك بسبب تصريحاته العنتريه على حد وصف الغندور.
إقرأ أيضا.. ميدو يفجر مفاجآت صادمه بشأن موعد سداد الهارب كهربا غرامه الزمالك!!
وقال الغندور في تصريحات تليفزيونيه ببرنامج “زملكاوي”عبر قناة “الزمالك”: “مازالت التصريحات العنتريه لأمين صندوق الأهلي خالد مرتجي مستمره، ويرجع يعتدز بعد ما بيقول تصريحات غلط ومتناقضه”.
وأضاف:” مرتجي قال الأهلي الأول محليا وإفريقيا، و الدولاب بتاعنا كبير قوي ونحن الأعظم والأكثر حصولا على البطولات إفريقيا والثاني عالميا ونادي القرن غصبا عن أي حد”.
وشدد الغندور: “انت نادي القرن ده بناء على إيه؟ إنه أكثر تتويجا، وبكده خالد مرتجي بيقول لمصر إن الزمالك نادي القرن، لإنه الأكثر تتويجا بالبطولات القاريه بعدد9 بطولات مقابل 7 للأهلي، كلام مرتجي بيناقض نفسه”.
وواصل:”مرتجي بيقول أنا الأكثر تتويجا علشان كده انا نادي القرن غصبا عن أي حد، الزمالك هو نادي القرن للي يعرف معنى الحق والعداله، ومعنديش مصطفى مراد فهمي، ودلوقتي بتتكلم على الأكثر تتويجا وكان زمان يقولك الأكثر نقاط لما تقولهم الزمالك نادي القرن لانه الأكثر تتويجا يقولوا لا النقاط اكثر”.
وأختتم:” المره دي بقت بالبطولات مش النقاط، ودي تاني غلطه لخالد مرتجي بسبب تصريحاته العنتريه، وبيقارنوا بطولة دوري أبطال إفريقيا بدوري الأبطال بأوروبا، رغم إن إفريقيا ممكن يتقيم بـ10 نقاط مقابل 30 لأوروبا”.
