ميدو يطلق تصريحات نارية تعليقًا على مُحاولات جماهير الأهلي لإشعال الفتنة: “مش هتضحكوا علينا تاني”! صور
علق أحمد حسام ميدو نجم الزمالك السابق والإعلامي الحالي، على مُحاولات بعض الجماهير لإشعال الأجواء مع وزارة الداخلية؛ وذلك من خلال مواقع التواصل الاجتماعي.
وكتب ميدو عبر حسابه الرسمي بموقع التواصل الاجتماعي “تويتر”: “في زمن اسهل حاجه فيه تزييف الحقايق لازم الحقيقة تبقى واضحه. مصر اتعلمت من اخطائها..الدولة لن تسمح لقبيضة الالتراس انهم يوقعوا ما بين الجمهور والجهات الامنية”.
نجم الزمالك يرفض العروض الخارجية والداخلية ويُرحب بالتوقيع على بياض للقلعة البيضاء
وتابع: “دلوقتي في حملة تشويه ممنهجه على وزارة الداخلية لانهم بيمنعوا قادة الالتراس القبيضه بانهم يسيئوا للدولة المصرية، دائما بقولها وهكرررها تاني الاخوان والاسلامجيه والالتراس نفس الاشكال خونه لا وطن لهم ولا دين!!”.
وأضاف في تغريدة أخرى: “في عيال عملوا ملايين ساعة الثورة كانوا بيقبضوا من الاخوان ومن حازم صلاح ابو اسماعيل في الوقت اللي مصر كانت بتقع في عيال تأمروا على مصر اوعوا حد يحاول ينسيكوا التاريخ”.
وواصل: “قادة الالتراس القبيضة مش هيعرفوا يضحكوا علينا تاني..عمركم ما حبيتوا النادي اللي بتشجعوه دائما كنتم بتدوروا على مصلحتكم ومصلحة جيوبكم استغليتوا قيمة الحشد لصالح الهلال حساباتكم البنكية عملتوا كده مستغلين اسم النادي اللي بتشجعوه وانجراف شباب صغير وراكم بإسم حب النادي”.
واختتم: “دورنا اننا نوعي الشباب ونفهمهم ايه اللي بيحصل حتى لو هنتشتم هنا في تويتر وفي المدرج”.
