“مفيش على رأسنا بطحه يا شوية كذابين”.. نجم يد الزمالك السابق يفتح النار على الجميع بسبب شقيقه – صورة
دافع محمد رمضان هتلر نجم يد الزمالك السابق، على هجوم أعضاء مجلس إدارة الفارس الأبيض على شقيقة أحمد رمضان هتلر المدير الفني لفريق اليد، مؤكدًا استعداده التام من أجل الدفاع عن شقيقه ضد أي هجوم.
وكان أحمد رمضان هتلر المدير الفني لفريق كرة اليد رجال بنادي الزمالك قد شن هجوما كبيرا على إدارة النادي بسبب الأزمات التي تعرضت لها بعثة الفريق في البطولة العربية للأندية المقامة في السعودية.
“إدارة عشوائيه”.. مدرب يد الزمالك يفتح النار على مجلس مرتضي منصور بسبب البطولة العربية – فيديو
وكتب ” محمد رمضان هتلر” عبر صفحتة الشخصية على موقع التواصل الاجتماعي “فيس بوك” :”احنا بنعبر عن حبنا بصدق وبرجولة وبدرعنا وملناش واسطة غير ربنا وبس ومش على راسنا بطحة لحد ومش احنا اللي يكون ردنا عشان حد أو لمصلحة حد”.
وأضاف :”احنا بنرد عشان النادى ومصلحة النادي وخوف عليه وبس واللي سكتنى على فشلكم هو أحمد أخويا فيوم ما تعملو رجالة وشوية مطبلاتية يطلعو يردو ويعملو دكورةعليه عشان يرضو اسيادهم”.
وواصل “هتلر” :”احب اقولكم دا ابويا مش أخويا وده خط أحمر واللي يقربله يجرب وهيتبسط قوى وهيجيب ناس معاه تتبسط وشكرا على اللي وصلتو النادى ليه بس كدا كفاية كفاية فشل لغاية كدا”.
كما رد “محمد رمضان هتلر” على تصريحات أحمد عبد الدايم مدير النشاط الرياضي في نادي الزمالك والتي هاجم فيها شقيقة أحمد عبر قناة الزمالك.
ونشر “محمد رمضان” عبر صفحته الشخصية على موقع التواصل الاجتماعي “فيس بوك” صورة من تصريحات “عبد الدايم” على قناة “الزمالك” وكتب عليها:”أنتم مستحملين نفسكم ازاى طيب بتحورو فشلكم وتغطوه بالكذب والتدليس والنفاق”.
وأكمل :” وإن سبب التصريحات تبقى انتخابات أنتم كدا رجالة عشان ترضو أسيادكم لدرجة دى مش فارق معاكم النادى ومسكين في الكرسي و شوية كذابين وافاقين لا فارق معاهم نادى ولا غيره”.
وأختتم :”فارق بس معاهم يفضلو على كراسيهم ومش هيفضلو على كراسيهم الا فى وجود الفشلة اللي بيشغلو فاشلة زيهم دول مش مكسوفين من اللي بيحصل مين السبب فى اللي النادى فيه يا شوية فاشلة مين ؟”.
