أكد أحمد سامي المدير الفني للفريق الأول لكرة القدم بنادي سموحة ، أن الزمالك يستحق الفوز أمام فريقه بخماسية في الدوري المصري ، مضيفاً أن أحمد زيزو ومحمود شيكابالا ثنائي مميز وحسم المباراة.
حيث قال احمد سامي في المؤتمر الصحفي عقب المباراة : ببارك لنادي الزمالك ، يستحق المكسب ، غلطنا كتير في أول ٢٠ دقيقة ، مش عارفين لاعيبة سموحة كانت خايفة ليه و خصوصا اللاعيبة الجديدة.
وأشار : شيكابالا و زيزو كانوا ممتازين، الزمالك ريح نفسه اول ٢٠ دقيقة، و كمان عندنا إصابات حصلت فجأة، و بالرغم من كل الأخطاء الشوط الاول كان عندنا فرص هاتفرق معانا لو سجلنا.
وواصل : الشوط الثاني كنا أفضل في بدايته ، و ضيعنا فرص كتير و مفيش توفيق النهارده معانا خالص ، إحنا ماشيين كويس ، لكن مش هناخد الدوري، لكن احنا بنظهر بشكل كويس في الدوري .
وأتم: بنحاول نجتهد، و لاعيبة سموحة عندها مشكلة الشخصية أمام الفرق الكبيرة ، مش مشكلة فنية و لكن مشكلة شخصية ، الزمالك كان مضغوط الشوط الثاني في ٣٠ دقيقة ، و لكن شخصية زيزو و شيكابالا حسمت الأمر.
