ابراهيم عبدالجواد يلقن كهربا درس قاسي بعد هجومه على جمهور الزمالك !! – فيديو
انتقد الإعلامي ابراهيم عبدالجواد ، ستوري محمود كهربا مهاجم الأهلي ، وهجومه على جمهور الزمالك فيه ، بعدما المح الى أن جمهور القلعة البيضاء اعتاد على الهزيمة.
وقال ابراهيم عبدالجواد مقدم برنامج الهدف عبر شاشة قناة أون تايم سبورتس الفضائية : ” الف سلامة عليك يا كهربا “.
وواصل : “مفيش دين ولا اخلاق تقبل الشماته في المرض ، متفق على شكرك لربنا على نعمة جمهور الأهلي ، وانت مهاجم الأهلي بالارقام”.
وزاد : “انت غير موفق تماماً في انك تحدثت باستهزاء عن جمهور الزمالك ، اللي مفهوم من الاستوري بتاعك انك بتسقط على جمهور الزمالك “.
وأكد :”الزمالك كان فاتح بيتك وسبب شهرتك وكنت بتاكل عيش وملح في نادي الزمالك وكنت بتبوس تيشيرت الزمالك ، الزمالك كان سبب في نجاحاتك، دا الأصل والرجولة والجدعنه اللى متعودين عليها”.
شاهد الفيديو
كان قد كتب كهربا عبر ستوري إنستجرام : “شكرا من قلبي لكل الناس اللي سألت عليا.. أنا الحمد لله والشكر لله بخير ربنا يخليكوا”.
وواصل : “أما بالنسبة للناس اللي متعودين على التمثيل والأفلام وادعائهم للمرض دي مش طريقتنا الحمد لله ولا عمري هدعي المرض عشان مكسب أو خسارة بس معلش أصل احنا مش متعودين على الخسارة ولا عارفين احساسها ومش متعودين عليها زي ناس كتير مش بيأثر فيهم لأنها مش جديدة عليهم”.
واختتم قائلا: “بشكر الجمهور اللي علطول في ضهرنا وربنا يديم علينا نعمة جمهور الأهلي”.
