علق الإعلامي عمرو أديب، علي فوز الزمالك أمام الأهلي في لقاء القمة بالجولة العاشرة من منافسات الدوري، ومحاولة التقليل من فوز الفارس الابيض.
وقال أديب في تصريحات متلفزة ببرنامج “الحكاية”، عبر قناة “mbc مصر”:” اود ان اتوجه بالتهنئه القويه والذهبيه بعد فوز الزمالك المستحق على الأهلي زمالك زمالك زمالك، حاجه جميله وعظيمه ماتش جبار”.
وأردف:” أي حد كان يسول له نفسه ان انسى اتكلم على الفوز انا بالنسبه لي الزمالك لسه كسبان انبارح بحرف النون، والجزيري مشرف انبارح، والاهلاويه زعلانين امبأرح ولن اترك حقي في التهنئه والسعادة فريق قوي وعظيم وجبار”.
وتابع أديب:” ولكن ياساده الغرابه الموقف اللي واخده الاهلاويه واستنكاره سعادتنا مانتم لما تكسبوا بتقلبوا الارض نار والبشر بتجنن وبتحفلوا علينا واحنا بنقول لكم مبروك”.
وأشار:” لكن نكسب احنا لا ده الجول فاول،لا اوفسايد، وايه الفرحه دي انتم بتخبوا الكور، ياعم قولي مبروك الاول فين الروح الرياضية”.
وشدد أديب: “بلوم على رموز كبيره في الأهلي بتقلل من انتصار الابيض على الاحمر اديتني احساس ان الزمالك مش قد المقام انت مين انت علشان تفرح، واحد طلع يقول حكم اسباني قال الكره فاول وانا عندي حكم ارجنتيني قال الكرة ضربه جزاء وتعالي نقعد قدام بعض”.
وأختتم:”bad loser”,(باد لوزر), طول عمركم قولنا مبروك، واحد مطلع رقم وقعد يجري به في مصر كلها، الزمالك من21 سنة مكسبش الاهلي” so what”، سو وات؟ ايه الاهميه مبنكسبش؟ ايه يعني الرقم القياسي اللي تم تحطيمه اننا كسبنا”.
شاهد
