كشف الإعلامي أحمد شوبير، عن كواليس وتطورات مثيرة بشأن أزمة حصول نادي الزمالك على الرخصة الإفريقية اللازمة للمشاركة في بطولات الاتحاد الإفريقي لكرة القدم (كاف) للموسم الجديد، في ظل المديونيات والأحكام الصادرة ضده.
وقال شوبير، عبر برنامج “الناظر” على قناة “النهار”:” من اتصال مع مصدر مسؤول داخل الاتحاد المصري لكرة القدم، قالوا إنه بينتظروا الموضوع من الأندية عشان يشوفوا القصة شكلها عاملة إزاي في موضوع الرخص وتجي لهم القصة يجي لهم الموضوع وبعدها يبدأوا يشوفوا القصة شكلها عاملة إزاي، فداخل الاتحاد منتظرين الزمالك”
و أضاف:” فهو قالك إنه على منتصف يونيو يكون كل الأمور واضحة، داخل الاتحاد المصري لكرة القدم بيقدم ليا ما يثبت إنه سوى كل المديونيات وليس عليه أي مبالغ مادية في الـ 14 قضية الأولانيين عشان يأخذ الرخصه بتاعته”.
وتابع شوبير: “طيب بالنسبة للكاف؟ هنا في قولين ودول من مصدرين مختلفين؛ قول بيقولك لابد حتماً ولازماً ولا بد على الزمالك إنه يخلص كل موضوعاته بكتير 30 يونيو إلا إذا الاتحاد الإفريقي أعطاه مهلة أخرى، وده قول من حد جهبذ في هذه المسائل، لحد ما يجوا يعملوا قرعة الدوري الجديد دوري البطولة الجديد يعني”
وواصل:” فإذا محصلش تسوية يبقى خلاص، يبقى الاتحاد الإفريقي يقولك أنا عملت اللي عليا وزيادة، وإن الاتحاد الإفريقي غالباً مبيحبش إنه يطلع فرق.. لكن دلوقتي الأمور بقت واضحة للكاف مثلاً فرق صغيرة بتاع مالهاش لازمة، لكن بتبقى فرق كبيرة مبيحبش يعمل ده”
وأكمل شوبير:” لكن الموقف المرة دي لا.. الموقف فيه فريق كبير زي فريق نادي الزمالك، فالاتحاد الإفريقي بيدي مهلة وينتظر الرد النهائي، إذا الزمالك قدم ما يثبت إنه فعل تسوية خلاص الفريق يقول له ما أحب ما عليا اتفضل شارك، إذا ما قدمش.. مشكلة كبيرة جداً بالنسبة لنادي الزمالك، هذا قول”.
و أردف: “في قول آخر ومن جهبذ آخر قالك: لا، يعني مهما حصل هو الاتحاد الإفريقي مش هيطلع أندية من البطولة، خاصة لما تكون أندية كبرى أو نادي بحجم نادي الزمالك مش هيطلع خلاص، هو هيقدم إنه ملتزم بالتسوية وإنه وإنه وبالتالي الاتحاد الإفريقي بيتجاوز عن هذه الأمور، ده برضه قول آخر.. أنا بقولك القولين عاملين إزاي”
وزاد شوبير:” قالك: ده اللي أنا شايفه ده اللي أنا عشته، لأنه حد جوه المطبخ قالك: ده اللي أنا شايفه ده اللي أنا عشته، قلت له: طب هل ممكن يتغير الأمر؟ قال لي: كل شيء وارد في الاتحاد الإفريقي، قال لي: كل شيء وارد وجايز داخل الاتحاد الإفريقي”.
وأختتم:” إيه القصة بقى شكلها عاملة إزاي؟ الاتحاد المصري واضح إنه المرة دي متمسك تماماً باللوائح، تماماً تماماً تماماً باللوائح، برضه إيه اللي ممكن يحصل خلال الأيام القليلة القادمة؟ الله أعلم، عشان إيه ما نتعبش نفسن”. ا
