في تصريحات مؤثرة عكست مدى ارتباطه بكيان القلعة البيضاء، تحدث نجم نادي الزمالك عمر جابر عن كواليس اللحظات الحاسمة التي عاشها الفريق مؤخراً، معبراً عن فخره بما حققه اللاعبون رغم التحديات.
وقال جابر، عبر برنامج “الحكاية” على قناة” ام بي سي مصر “:” كان عندنا نهائي، وكان نفسنا ناخد البطولة عشان تساعد الزمالك في الأمور المالية، لكن محصلش نصيب”
و أضاف:” كان عندنا ماتش حياة أو موت عشان نفوز بالدوري، وماتش مهم علشان الجمهور وننهي الموسم بشكل كويس، ونبقى كسبانين الدوري ونقدر نبني للموسم الجاي”.
وشدد جابر:” الماتش ده كنت مصاب، وكنت في المقصورة، والشوط التاني دخلت أوضة اللبس اتفرجت في التلفزيون لأن الموضوع كان صعب، أسهل إنك تلعب لكن وإنت بره بتقلب مشجع، وكان إحساس صعب”.
وأكمل:” عواد ربنا كرمه بالتصدي، وقدرنا ننهي الماتش والحمد لله، كان نفسنا ننهي الموسم ببطولتين عشان الجمهور واللعيبة والمسؤولين عن الكورة، لكن الحمد لله كسبنا الدوري”.
وأختتم:” إن شاء الله الزمالك هيفضل متألق بجمهوره ولاعيبته وبالمخلصين من الزملكاوية”.
