في رسالة حاسمة أراد بها وضع حد للتكهنات حول هيكل صنع القرار داخل نادي الزمالك، أكد أحمد سليمان، عضو مجلس إدارة القلعة البيضاء، أن سلطة المجلس فوق أي اعتبار أو تعاقدات، مشدداً على أن الإدارة هي المرجعية النهائية لكل ما يخص ملف كرة القدم،معلنا عن موعد حسم كل الملفات الخاصة بفريق الكرة.
وقال سليمان خلال تصريحات تليفزيونية ببرنامج “اللعيب”، عبر قناة “mbc مصر” ردا على سؤل مهيب عبدالهادي: “أنا معلوماتي يا كابتن أحمد أن الزمالك هيجيب مدرب أجنبي والكابتن حسين لبيب قال إن معتمد جمال مكمل لكن أنا معلوماتي غير كده .. أنت رأيك ايه؟:” صاحب القرار في الكرة دلوقتي داخل الزمالك في تنسيق بين الكابتن حسين لبيب والكابتن هشام نصر، ومعاهم المدير الرياضي طبعا جون إدوارد، في النهاية الموضوع بيتعرض على المجلس، وبياخد قرار”.
ليعود مهيب عبدالهادي قائلا:” مجلس إدارة ايه ما هو لو القرار متاخد هيتوافق عليه وخلاص يعني بيتم عرض القرار للتصديق في الآخر”.
ليرد سليمان:” لا في قرار ولو مجلس الإدارة اعترض على قرار، ممكن يتغير يعني لو مجلس الإدارة أعترض حاجه اه، يعني ممكن مجلس الإدارة يلغي عقد جون إدوارد بعد ربع ساعة ويتحمل الشرط الجزائي بتاعته عادي .. مجلس الإدارة هو التوب وصاحب الكلمة”.
وأكمل:” ممكن يكون جون إدوارد عنده وجهه نظر ثانية.. لكن كابتن حسين لبيب النهارده قال إن معتمد مكمل”.
ليسأل مهيب عبدالهادي مجددا:” جون إدوارد عايز مدير فني أجنبي دي معلوماتي فهل كده في انقسام يعني جون عايز اجنبي وكابتن حسين عايز معتمد؟
ليجيب سليمان:” الحقيقة معرفشي النهارده كان في اجتماع مجلس إدارة نادي الزمالك ومحدش تطرق لملف كرة القدم وكان الكلام عن موضوع الأرض “.
وواصل:” الوضع في الزمالك عمومًا في أحداث كتيرة، وفيه أكثر من ملف مفتوح: ملف الأرض، وملف إيقاف القيد، والقضايا، وتجديد عقود اللاعبين، عندك لاعيبة عقودها لسه ما اتجددتش، ولازم حسمها”.
وأختتم:” ملف المدير الفني الأجنبي داخل في جدل كبير حاليًا، الأمور كلها هتوضح بعد 30 يونيو، وكل الملفات دي ممكن تتغير بشكل كبير”.
