وجّه الإعلامي أحمد شوبير انتقاداً لإدارة نادي الزمالك، مطالباً إياها بمراجعة ما وصفه بالملفات والأخطاء المتراكمة، وعدم الاكتفاء بتقديم النادي أمام جماهيره باعتباره طرفاً مظلوماً.
وقال شوبير: «لكن إذا الزمالك شاف إن في ظلم، دافع عن حقك. بس في نفس الوقت شوف إيه أخطائك؟ شوف إيه مشاكلك؟ ما أنت هتعالج الأخطاء إزاي؟».
ملفات الغرامات والقيد
وربط شوبير بين هذا الطرح وبين ما وصفه بدوامة الغرامات والأزمات، متسائلاً: «هو مين اللي دخل الزمالك في دوامة الغرامات المالية اللي ملهاش حدود؟»، قبل أن يضيف: «ما هو لازم تقول لي الزمالك ما وقف قيده ليه؟ من كتر أخطائك».
كما انتقد اختيارات بعض اللاعبين وتكلفتها على النادي، قائلاً: «من كتر أخطائك مين اختار اللعيبة؟»، ثم أكمل: «إيه اللي مشّى الناس دي؟ إيه اللي جابهم؟ وإيه اللي غرّمك الفلوس دي كلها من الأول للآخر؟».
رسالة إلى الإدارة
وتوقف شوبير عند ملف الجهاز الفني، وقال: «مين اللي بيمشي مدرب محترم؟»، مشيراً إلى أن إدارة الزمالك تحتاج، من وجهة نظره، إلى وضوح أكبر في قراراتها. وأضاف: «لازم ناس تبقى تعرف أخطاءها إيه وتصلحها إزاي وترجع عن الخطأ إزاي».
واختتم رسالته بالتأكيد على أن الدفاع عن الحقوق لا يتعارض مع النقد الذاتي، قائلاً: «دور على حقك، لكنه مش طول الوقت تفهّم الجمهور إن أنا بتظلم وأنا وأنا.. لا، مش طول الوقت كده».
